Mkutano umoja wa Kiislamu wapongeza mapambano ya wanawake wa Kipalestina
Kikao cha wanazuoni hao wa kike kiitwacho "Nafasi ya Kielimu ya Wanawake katika Kuimarisha Umoja na Muqawama" kilifanyika Alhamisi pambizoni mwa Kongamano la 38 la Umoja wa Kiislamu hapa Tehran.
Wanazuoni na wanaharakati mashuhuri wa Kiislamu kutoka Iran, Indonesia, Algeria, Marekani, Lebanon, Palestina, Syria, Iraq, Ufaransa, Bahrain, Mexico, Peru, Pakistan, Afghanistan, Malaysia, Uturuki, Yemen, Brazil na India walihudhuria hafla hiyo.
"Sisi, wanawake wa Kiislamu kutoka duniani kote, wenye mataifa mbalimbali, lugha, na madhehebu mbalimbali, tunasisitiza umuhimu wa umoja wa Waislamu na jitihada za kufikia jumuiya ya Kiislamu yenye umoja," walisema katika taarifa.
"Tunaamini kwamba ikiwa tutaendelea kudhamiria katika umoja wetu na kuepuka kutumbukia katika mitego ya njama za migawanyiko, njia ya upinzani inaweza kusababisha ushindi wa mwisho," inasomeka taarifa hiyo.
"Sisi, wanawake wa Kiislamu, pamoja na mapambano ya ndugu zetu katika Hamas na Jihad Islami, tunaheshimu upinzani usio na kifani wa wanawake wa Kipalestina," iliongeza.
"Tunaamini kwa dhati kwamba wanaume mashujaa wanaopigana dhidi ya utawala ghasibu wa Israel wamelelewa na akina mama na wanawake shupavu ambao wamesimama kidete dhidi ya wavamizi wamewafundisha watoto wao masomo ya utu na uimara na wamejitolea kwa ukarimu maisha yao kwa katika kazi hii takatifu. ," kulingana na taarifa hiyo.
Kwa kuwa dunia inashuhudia muqawama usioweza kuepukika wa taifa linalodhulumiwa la Palestina, jukumu la wanawake ambao wako bega kwa bega na wanaume na watoto wao dhidi ya jinai mbaya zaidi za kivita ni jambo la kupongezwa kwa hakika na kwa uadilifu.
4237608
